Moodar koodam 2013 | Film Review

மூடர்கூடம் 2013!
Moodar Koodam 2013 | Rating: 3/5 | Good Attempt | Worth Watching
Genre: Black Comedy, Crime

ஊரில் உள்ள அனைத்து தொழில்நுட்பங்களையும் பயன்படுத்தி திரைப்படம் எடுக்கும் கூட்டம் ஒருபுறம் இருக்க, தான் அறிந்த தொழில்நுட்பத்தை பயன்படுத்தி தன்னிடம் உள்ள திறமையை மையமாக வைத்து எடுக்கப்படும் திரைப்படங்கள் வரவேற்கத்தக்கவை! இந்த வரிசையில் மற்றுமொரு திரைப்படம் Pasanga Productions, “பாண்டிராஜ்” தயாரிப்பில், அறிமுக இயக்குனர் “நவீன்” இயக்கத்தில் தற்போது வெளிவந்துள்ள “மூடர்கூடம்” திரைப்படம்.

Lock Stock and two Smoking Barrels, Hot Fuzz மற்றும் Big Nothing போன்று Screenplay-வை மையமாக வைத்து எடுக்கப்படும் ஆங்கிலம் மற்றும் பிற மொழி திரைப்படங்களின் வரிசையில் தமிழில் சூதுகவ்வும், நேரம், மூடர்கூடம் ஆகிய திரைப்படங்களின் வருகை தமிழ் சினிமாவை புதிய பரிமாணத்திற்கு கொண்டு செல்கிறது என்றால் அது மிகையாகாது.

இந்த புதிய மாற்றத்தை வரவேற்கும் அதே சமயம் இதுபோன்ற படங்களின் பின்னணி இசையை பற்றி பேசியேஆகவேண்டும். ஒரு build-up பாடல், இரண்டு டூயட் மற்றும் இரண்டு குத்துப்பாட்டு என எண்ணிக்கையை அதிகரிக்க பாடல்கள் என்னும் மசாலா சித்தாந்தத்தை முறியடித்து, தேவைகேற்ப பின்னணி இசை மற்றும் பாடல்கள் எனும் புதிய பரிமாணத்திற்கு உயிரூட்டிவரும் இயக்குனர்கள் மற்றும் இசை அமைப்பாளர்களுக்கு எனது வாழ்த்துக்கள்!

புதுமையான Screenplay வடிவம் கொண்ட திரைப்படங்களின் வருகை நம் தமிழ் திரையுலகில் வரவேற்கதக்க ஒன்று. எளிமையான கதை, இயல்பான நடிப்பு, சராசரி வசனங்கள் என யதார்த்தமாக தயாரிக்கப்பட்டுள்ளது “மூடர்கூடம்” திரைப்படம். அதேசமயம் “Attack the Gas Station” திரைப்படத்தின் கதை ஏறத்தாழ ஒற்றுபோகிறது.

“மூடர்கூடம்” புதுமையான Screenplay -ஆக இருப்பினும், மேலும் சுவாரஸ்யத்தை கூட்ட சற்று வேகத்தை அதிகரித்திருக்கலாம்! குறிப்பாக இரண்டாம் பாகத்தில் அறிமுகமாகும் கதாப்பாத்திரங்களின் எண்ணிக்கை அதிகரித்துக்கொண்டே இருக்கும் தருவாயில், கடைப்பிடிக்கப்பட்டிருக்கும் அமைதியானது பார்வையாளர்களின் (audience) பொறுமையை சற்று சோதிக்கிறது எனலாம்! கதையில் உள்ள முக்கிய கதாப்பாத்திரங்கள் முதல் “பொம்மை” வரை ஒரு flashback கதை மற்றும் தனிப்பட்ட இசை என இயக்குனர் “நவீன்” எடுத்துள்ள புதிய முயற்சிகள் அனைத்தும் வரவேற்கத்தக்கது! குறிப்பாக இறுதியில் வரும் “பொம்மை” கதையின் பின்னணி இசையாக “கே.ஜே.ஜேசுதாஸ்” குரலில், “கவிஞர் வாலி” வரிகளில் 1964ல் வந்த “பொம்மை” திரைப்படத்தின் “நீயும் பொம்மை நானும் பொம்மை“ பாடலுக்கு புத்துயிர் அளித்திருப்பது பாராட்டுதலுக்குரியது.

“மூடர்கூடம்” முழுநீள பொழுதுபோக்கு திரைப்படமாக இருப்பினும் சில இடங்களில் சமுதாய கண்ணோட்டத்தில் காட்சிகளை நகைச்சுவையுடன் சொல்லி இருக்கிறார் இயக்குனர் நவீன். எழுத்து, இயக்கம், தயாரிப்பு, நடிப்பு என பல பரிமாணத்தில் வலம் வந்துள்ள “நவீன்”, இதற்க்குமுன் இயக்குனர் “சிம்புதேவன்” மற்றும் “பாண்டிராஜ்” இவர்களிடம் துணை இயக்குனராக பணிபுரிந்தவர். Screenplay-க்கு ஈடுகொடுக்கும் முயற்சியில் எடிட்டிங் (ஆதியப்பன் சிவா), போதுமான அளவில் தேவைக்கேற்ப கேமரா (டோனி சான்), இசை (நடராஜன் சங்கரன்) மற்றும் சென்ட்ராயன்-இன் தனிப்பட்ட நடிப்பு அனைத்தும் நன்று.

#மூடர்கூடம் : பெருமைக்குரியது, சற்று பொறுமையும் தேவை!

-சிவா | செப்டம்பர் 2013
(திரைப்படத்தை நான் “திருட்டு DVD” யிலோ அல்லது “டவுன்லோட்” செய்துதான் பார்ப்பேன் என்பவர்களுக்கும், “ஒலியும்-ஒளியம்-இணையும்-சுவையும்” பருகத்தெரியதர்வர்களுக்கும் எனது ஆழ்ந்த அனுதாபங்கள்!)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s